டும் டும் டும்

மற்றவர்கள் அனுப்பும் குறுஞ்செய்திகள்
சாதாரண ரிங்டோனாக ஒலிக்கும்
என் செல்போனில்,
நீ அனுப்பும் காதல் செய்தி மட்டும்
'டும் டும் டும்'
என்று ஒலிக்கிறது!!

உன் இதழ்

விரல்கள் விட்டுசென்ற
விரல்தடங்களை
மெதுவாய் கடந்து
செல்கின்றன
உன் உதட்டு ரேகைகள்!

உலகப்போர்

மூன்றாம் உலகப்போருக்கு
தயார் என்கின்றன
உன் உதடுகளும்
என் கன்னங்களும்.

என் நிழல்...!

இருட்டினில் எனக்கு
துணையாக இல்லாத நீ
வெளிச்சத்தில் மட்டும்
ஏன் என்னுடன்
இருக்கிறாய்?

மழைத்துளியே

தானே விழுந்தது
என்னால் தடுக்க முடியவில்லை
என்மீது இருந்த
அந்த ஒரு நொடி சுகம் போதுமே,
என் இனிய மழைத்துளியே!!

' கோலங்களை' ரசிக்கிறாள்

தரையில் போட்ட
கோலத்தை ரசித்தாள்
அன்றைய பெண்
திரையில் போடும்
' கோலங்களை' ரசிக்கிறாள்
இன்றைய பெண்!